繼續同史友們介紹我國最新嘅一啲文物發現，喺馬王堆以往就出土咗唔少極具價值嘅陪葬文物，例如就有朱地彩繪漆棺、帛畫、竹簡以及極難保存嘅絲織品。而近日根據湖南博物院嘅研究表示，喺馬王堆三號墓出土嘅菱紋綺當中，就發現到目前為止最早有成句文字嘅出土絲織品。
喺今年四月，湖南博物館嘅專家就首次對馬王堆漢墓出土而又未整理嘅紡織品進行系統性嘅清庫。而喺呢個過程中，專家就發現到有菱紋綺被織入文字，經過比對之後就發現呢啲文字都係嚟自馬王堆三號墓西邊廂竹笥當中嘅褐色菱紋綺絲綿袍。考古團隊目前就喺70幾塊殘片當中就搵到80幾個文字，並且部分仲可以組成篆隸「安樂如意長壽無極」字樣。
呢次重大發現唔單止係搵到目前已出土絲織品中發現最早嘅成句文字，更加填補咗相關研究領域嘅空白。
原圖嚟自網絡